الى كل واحد مش عارف يعمل ايه..؟؟

قال النبي صلى الله عليه وسلم نعمتان مغبون فيهما كثير من الناس الصحة والفراغ

فعلاً مشكلة كبيرة مشكلة ازاى تقضى وقتك..؟

وباب بيخبط عليه الشيطان عالشان يدخل لك منه الوان من الشر

يرمى فى راسك فكرة

انا زهقان

مفيش حاجة اعملها

ويبدأ الشيطان يعرض عليه الوان الشر لحد ماالواحد يختار واحدة منها

رغم ان فى حاجات كتير ماعملهاش

ويُفضل يعملها

بس رغم انه زهقان لأنه مش لاقى حاجة يعملها

مش بيفكر يعمل حاجة كويسة

زى انه يحفظ قرآن

رغم انه مش حافظ كتير منه

او يسمع محاضرة دين

كأنه خلاص عرف كل حاجة فى دينه

او حتى يمارس رياضة

انما مابيفكرشى يعمل حاجة من دى

رغم انه زهقان مش لاقى حاجة يعملها

ولقلة ايمانه

بيختار الحاجة الغلط اللى شيطان بيعرضها عليه

يا أخى ....يا اختى

فيه حاجات كويسة كتير

ممكن تتعمل

بدل ماتتجاهلها وتفكر فى الحاجة الوحشة

فكر فى الصلاة فكر فى القرآن

فكر فى مساعدة الآخرين

ياما ناس كبار فى السن محتاجين اللى يسال عليهم ويطل عليهم

وأكيد أنت تعرف حد ساكن فى منطقتك

فكر فى زيارة المريض

روح أى مستشفى هاتلاقيها مليانة مرضى

فكر فى ملاعبة اليتيم

روح اى ملجأ أيتام

احضر درس دين

أكيد فى مسجد جنبك

بيعطى درس بعد صلاة العشاء

وفى الصيف بعد صلاة المغرب

ياترى الآخرة عاملة أيه

ياترى القبر شاكله ايه

ياترى ايه اللى هايحصل لك فى الموت

أسمع الشيخ طارق سويدان أو الشيخ محمد حسان فى سلسلة الدار الآخرة

سمعت عن الشيخ محمد جبريل سمعت عن الشيخ الحوينى

دور عليهم شوفهم بيقولوا ايه

سمعت عن الدكتور زغلول النجار

وعن كلامه فى الاعجاز العلمى للقرآن

شوف هما توصله لحد فين دلوقتى

سمعت عن الداعية عمرو خالد

سمعت ان كتير اتحجبوا عالشانو

ماله ده هوا شكله ايه

هوا بيقول ايه بيخليه يأثر على الشباب بالطريقة دى

شوفه ودور عليه

ادعى الغير لعمل صالح

ادعى الغير للأسلام

صدقنى فى حاجات كتير كويسة ممكن تعملها

وعيب لما تكسل عنها وتعمل الحاجة الوحشة