لا تقل محجبة بل قل مطرحة (الجاهلية العاشرة)

بما أننا داخلين فى 2010 فلأقول أن أحنا فى الجاهلية العاشرة

سواء بسبب الكل بيتقدم حوالينا وأحنا بنتأخر

أو بمعنى أدق مش بنجارى حد فى التقدم

وحتى فى الدين بيتأخر مفهومنا

ولو أن الموضوعين مرتبطين ببعض

فلما كنا مهتمين بالدين

فكنا أسياد العالم

وظهر بن رشد وبن سينا والبيرونى والخوارزمى وبن الهيثم

وغيرهم كتير من اللى أسسوا العلوم المختلفة

أنما دلوقتى فين الناس دولت ...؟؟؟؟

ماتوا

لأن الدين مات فى قلوبنا وطغت الدنيا عليه

المهم نرجع لموضوعنا

أيه هوا الحجاب

الحجاب مش أن الواحدة مغطية جسمها وشعرها وخلاص

الحجاب بيحجب مفاتن المرآة

فمينفعشى أن البنت تبقى لابسة طرحة

ولابسة بطلون وتى شيرت مجسمين جسمها ومبينين مفاتينها

فكنت أفكر

أيعقل ان نقول على هذه البنت محجبة ....؟؟؟

بل الأفطل نقول عليها مطرحة

هوا أيه لازمة أنها مغطية شعرها ومبينة ومقسمة جسمها

أما حكاية الجاهلية العاشرة

فده بسبب أن لو أحنا شفنا حد من الجاهلية الأولى

بجد كنا قلنا عليها رابعة العدوية

وبالمناسبة الحجاب مش تقليد فى المجتمع

الحجاب فرض من ربنا (أمر منه) فأمر بيها فى سورة النور وسورة الأحزاب