أيه يعنى خدنا الكاس
بس هو مين اللى خدته صحيح ....؟؟
ياترى هو مع حد فينا
ولا فى حد فينا خد حاجة
أنا عن نفسى ماخدتش وماتفراجتش اساساً
دى حاجة للأسف تحزن
لو تشوفوا الناس فى صلاة العشاء كانوا كام واحد
والجامع أساساً دائماً بيكون مليان وخصوصاً فى اسكندرية وفى كل وقت والحمد لله
ولا المحلات اللى قفلت وسابت أكل عشها
قال أيه راحوا يتفرجوا على الماتش
ده لو كان حد قال يالا بينا نروح نحرر فلسطين ولا ......العراق ...........ولا أفغنستان
ولا كان حد اتحرك
ده أنا كنت جى من سفر يوم ماتش مصر وكوت ديفوار
وقبلت واحد بيقولى مبروك
قلت له على أيه...؟؟
حررنا فلسطين
قال لى فلسطين أيه ياعم
أخرتها فلسطين أيه ياعم
ولا الهوجة اللى ملت الشوارع طول اليوم
ولا الملايين اللى قاعدة تظهر وتروح هنا وهناك
دول ماعملهوش كدة لزويل
ولا اللى يطلع فى التلفيزيون ويقول
الشعب المصرى ده مالهوش زى
لو قلت له تاخد مليون جنيه ولا مصر تكسب
يقول لك مصر تكسب
ليه كسبنا الحرب مع إسرائيل
فعلاً اللى يقول كدة يبقى مالهوش زى
السبت فبراير 16, 2008 6:08 pm
