فيه حاجة نقصاك ...طب أيه هيا...؟؟

بص كدة لنفسك

سليم..؟؟

كامل..؟؟

مش نقصك رجل أو أيد..؟؟

بتشوف بعنيك..؟؟

بتسمع بودانك..؟؟

بتفكر بعقلك...؟؟

بتحس بقلبك...؟؟

طيب يمكن مش ناقصك حاجة..؟؟

حتى لو عندك كل ده

ناقصك حاجة بارده..

طب أيه هيا..؟؟

لو كنت بياع وبعت حاجة لواحد وخادها ومشى

بدون مايقولك حاجة أو يعطيك فلوس

مش هاتيضايق...؟؟

طيب لو قلبنا الدور

وكنت انت اللى خدت الحاجة بدون اى كلام ولا أى مقابل

ياترى هاتحس بالراحة..؟؟

كدة كدة هاتحس ان فى حاجة خنقاك

حاجة كاتمة على صدرك

حاجة سعات بتخليك شارد الذهن

حاسس انك متضايق بس مش عارف ليه

طبعاً ماانت قلقان من اللى انت خدت منه الحاجة

وفى حاجة من جواك بتناديك بتقولك أدى له حقها

وانت بتحاول أنك على قد ماتقدر تنسى

علشان كدة ممكن تلجئ لأى حاجة تتوهك او تبعدك عن اللى بتفكر فيه

وتفضل باقى عمرك تايه

طيب مابدل ماتفضل طول عمرك تايه

مش أحسن لك تعطى له حقها..؟؟

مش كان أسهل..؟؟؟

طيب هو فى حاجة انا خدتها من حد ومعطيتلوش حقها

أيوة طبعاً

الأيد اللى بتاكل بيها

الرجل اللى بتمشى عليها

العين اللى بتشوف بيها

النفس اللى بتتنفسه

وكتير كتير

كل ده ربنا عطاه لك

مش واجب عليك تشكره

وتعطى له حقه

الحمد لله