فراس فراس
Admin
عدد الرسائل : 247
العمر : 38
sms :
تاريخ التسجيل : 29/12/2007
 |  موضوع: القعدة الذهبية للأمام مالك  الأربعاء مارس 18, 2009 10:53 pm | |
| ساعات بنسمع عن ناس بتتجن
وناس كانت جامدة قوى من ناحية الدين وبعدين أنقلب ل180 درجة
وحاجات غريبة كدة بتحصل
بس ياترى أيه هوا السبب...؟؟
كان فى واحد صحبى
كنت بحبه جداً
كان بيتصل بيا يصحينى عالشان ننزل نصلى الفجر
وبعدين بعد مايصحينى كان يستنانى تحت البيت عالشان نروح نصلى مع بعض
ويوم ماتعرفت عليه سبحان الله كان من أول يوم اللى بدأت فيه أواظب على صلاة الفجر فى المسجد
وكان على علم أكتر منى فى الدين
وكان يفوت عليا نروح دروس عقيدة وفقه وتجويد
وكان تقريباً معظم كلامنا كان فى الدين
بس مرة كان بيقول لى
وهوا ماسك أيدى من عند العروق تحت الكف
ويطغط عليها طغطات خفيفة
لحد دلوقتى مش عارف ليه هوا لما ييجى يقول لى حاجة أو ينصحنى أو يحثنى على حاجة
كان يمسك أيديا كدة ليه
أنت ياعز لازم تحضر أكتر
انت سايب نفسك كدة ليه
على أساس انى احضر دروس توحيد أكتر معاه
بس انا الشيخ اللى كان بيوادينى نحضر له ماكنتش بستريح له
مش عالشان سمعت منه كلام مش مقنع ولا حاجة
بس أنا ستريحتش جوا فى نفسى
وقلت مش هاروح معاه تانى
قولت له أهم حاجة أنى بكون عارف ربنا
وأنى مؤمن بيه وحده وأن سيدنا محمد عبده ورسوله
أنا مش فاكر بالظبط ايه الحوار أصل الكلام ده من فترة كبيرة جدأ من كام سنة
فقال لى ليه ربنا ساب الشيطان
رغم أنه عارف أنه هايكون سبب فى دخولنا النار
قلت له عالشان يختبرنا بيه
وسألنى كام سؤال تانى
ورديت عليه
قال لى انت فيك حاجة من عند ربنا
المهم وهوا كان بيكلمنى أفتكرت
أنه لما الواحد يشد على نفسه ربنا بيشددها عليه أكتر واكتر
وكنت خايف انه أشوف الموضوع ده عليه
بس للأسف الموضوع اللى كنت خايف عليه منه حصل
بدأنا نبعد عن بعض شوية شوية
ولقيت حاله بيتقلب
بدأ يروح جماعات
وانضم للتكفير والهجرة
وبعدين اتجوز
وبعدين حاله انقلب
بقى يسيب دينه شوية شوية
لما اتجوز كان مقصر دقنه
بعدين شالها خالص
بعدين بطل يصلى
وبعدين بقى يحشش وبقى يضرب ابر
وحياته انقلبت خالص
ولحد دلوقتى للأسف حاله فى النازل على حسب آخر كلام سمعته عنه
لأن زوجته قاعدة عند اهلها بقالها فترة
وكان دايماً بيحصل مشاكل بينهم وطلب طلاق
رغم أنهم مخلفين بنت تقريباً لسة مكملتش خمس سنين
وواحد صحبى تانى قال لى أنا عمرى ماكنت أتخيل أنى أصاحب واحد مربى دقنه لحد ماقبلتك
قلت له ليه..؟؟
قال لى أن واحد قريبه كان شاطر جداً وكان حافظ القرآن كله
ودخل كلية الطب
فجأة أتعرف على ناس من الجماعات اللى عندهم فى البلد
وبدأ حاله يتغير
ويفكر فى حاجات عجيبة وغريبة
وبعدين فى يوم لقوه ميت جنب الترعة
نتيجة بلع اللسان تقريباً
قلت لصحبى ساعتها على الحاجات اللى قريبه كان بيفكر فيها
زى مثلاً ربنا أيده شكلها أزاى
وحاجات تانية
قلت له
كان فى مرة واحد بيسأل الأمام مالك
بيقول له
أزاى ربنا بيبسط نفسه على العرش
فقال له
ودى كانت القاعدة الذهبية للأمام مالك
الأنبساط معلوم والكيف مجهول والأيمان به واجب والسؤال عنه بدعة
ويقال انه طرد اللى سأل السؤال ده من المسجد
ايه اللى عايز أوصل له...؟؟
ماتضايقشى على نفسك جامد
أعمل اللى تقدر عليه
فى حاجات المفروض ماتفكرشى فيها
وليه تفكر فيها أساساً مادام مش هاتنفعك فى حاجة
خلى دايماً قلبك دليلك
صدقنى دايماً وأنت فى عقلك خوف من ربنا
وفى قلبك حب لربنا ورسوله
دايماً ربنا بأذنه هاينور لك طريقك | |
|
