فراس فراس
Admin
عدد الرسائل : 247
العمر : 38
sms :
تاريخ التسجيل : 29/12/2007
 |  موضوع: من طرق النصب بالأيميلات  السبت فبراير 16, 2008 6:34 pm | |
| قصة بأختصار
واحدة تبعت لك وتقولك أنا ببحث شريك للحياة امين وكدة يعنى
وتبعت لك شوية معلومات عنها
وتقولك لو أنت شايف نفسك كدة
فياريت تكلمنى عن نفسك اكتر
وأيه هواياتك
وأيه اللى بتحبه وأيه اللى مش بتحبه
أبعت لى وانا هابعت لك صورتى ومعلومات أكتر عنى
المهم بعد ماأخينا يبعت
تقوله
أنا سعيدة جداً بردك عليا
وأنا قاعدة فى مأوى فى دولة ما وده بسبب حرب اهلية قامت فى بلدى
وتقولك بقى أن والدها او جوزها كان مدير شركة كبيرة وأتقتل فى حركة التمرد الاخيرة
وكان والدها حاطط فلوس فى بنك سرى فى اوروبا
وهى مش مصرح لها بالخروج من المأوى ده غير يومين فى الأسبوع
وبتبعت الأيميلات ليك من الكومبيوتر الموجود بمكتب القس لما يكون مش موجود فى الكنيسة
فياريت تساعدنى فى انى استرد المبلغ اللى فى البنك ونستثمره فى بلدك واخد اللجؤ السياسى
فبعدين اخينا يرد عليها ويقولها عايزانى اسعدك ازاى
فترد عليه وتقوله
أنا كلمت المحامى وهو عايز أسمك وعنوانك ورقم باسبورك علشان يعمل لك توكيل تسحب بيه الفلوس
وياريت تكلم المحامى
وتكون طبعاً عاطيالك تليفون وايميل للمحامى
المهم
يبعت اخينا البيانات المطلوبة للمحامى
فيبعت له المحامى ويقوله
انا جيت اعملك الورق فى المحكمة
وهو بيتكلف حوالى 700 دولار
والمادام ياعينى فقيرة ومش معاها فلوس حتى تاكل
فياريت تبعت المبلغ علشان نخلص الورق وتقدر تروح البنك او الشركة السرية علشان تقبض الفلوس
طبعاً كلام فارغ
ورق أيه ده اللى يخلص ب 700 دولار
وحوارات بقى شبه دى كتير بس نفس المضمون | |
|
فراس فراس
Admin
عدد الرسائل : 247
العمر : 38
sms :
تاريخ التسجيل : 29/12/2007
| | موضوع: رد: من طرق النصب بالأيميلات السبت فبراير 16, 2008 6:39 pm | |
| فى رسايل بتيجى وتقول لك مبروك انت كسبت معانا فى جائزة الfreelottery
ودى جايزة عالمية وبنسحب أيميل عشوائى من خلال الكومبيوتر
وكان حظك كويس معانا وايميلك هو اللى كسب
ياريت تبعت لنا بياناتك
أسمك ورقم تليفونك وعنوانك وصورة الباسبور بتاعك
وده علشان يعيشك الدور
وبعد ماتبعت له البيانات
يقولك فى طرقتين علشان تسلتلم بيهم الجائزة
اما الكترونى
وده طبعاً علشان يشطبوا على الفيزا كارد بتاعتك
اما بوكالات البريد ذى ال DHL
ولو قلت لهم بالDHL
هايقولو لك الجائزة بتاعتك عليها تامين كبير وماينفعشى نصرف من الجائزة علشان نبعتهالك
فياريت تبعت لنا مبلغ (وبيكون فى حدود 100:300 دولار) على حساب المسئول أو المسئولة اللى هاتسلمك الجائزة
طبعاً كلام فاطشة ومابيبعاتوش حاجة
| |
|
فراس فراس
Admin
عدد الرسائل : 247
العمر : 38
sms :
تاريخ التسجيل : 29/12/2007
| | موضوع: رد: من طرق النصب بالأيميلات السبت فبراير 16, 2008 6:46 pm | |
| كنت عايز اضيف طريقة تانية بعض الهاكرز بيستخدموها لسرقة الايميلات
بس انا الناس اللى شفتهم بيعملوا الموضوع ده اجانب مش عرب
بيكون عامل موضوع ويقول فيه
اذا كان فى حد يهمك وعايز تعرف الباسورد بتاعه
دلوقتى الياهو بيوفر ليك الخدمة دى
ابعت رسالة للأيميل الفلانى(طبعاً بيكون ايميل لأخينا)
اكتب فيها
فى اول سطر
yahoo adminesterator emails groub
وبعدها بسطرين
أكتب ايميل الشخص اللى انت عايز الباسورد بتاعه
وبعدها بتلت أسطر
اكتب أيميلك
وبعدها بسطرين
اكتب الباسورد بتاعك (وهذا لكى نستطيع تفعيل هذه الخاصية عندك )
ويقعد بقى أخينا ده ينشر الموضوع
والايميلات والباسوردات بتيجي له لحد عنده
ماهو طبعاً من حفر حفرة لأخيه وقع فيها | |
|
za!na
أبتدى
عدد الرسائل : 28
العمر : 35
الموقع : مولاى انى ببابك
sms : انا بس بنت
واتكلمت
وسألت
وعرفف
وفهمت
تاريخ التسجيل : 23/08/2009
| | موضوع: رد: من طرق النصب بالأيميلات الأحد أغسطس 23, 2009 9:37 am | |
| هههههههههههههههههههههههههههههههه
اول مرة اعرف الحاجات دى
بجد
البنى ادمين دول
حاجة غريبة
| |
|
