فين الأهل لما النبت بتزنى

سؤال بيفكرنى بشريط سمعته للدكتور طارق سويدان
وبيقول فيه أن البوليس فى الكويت قبض على فيلا بحديقة كاملة كانوا يمارسون بها الدعارة

وكان بها اكثر من 20 بنت مستريحين مادياً ولسة طلبة فى الجامعة

المهم فسألوا بنت منهم أنتى بتقولى لأهلك أنتى كنتى فين....؟؟

فكانت بتقولهم انا كنت فى فرح وطبعاً هى لما تكون صاحبة العروسة لازم توجب معاها وتقعد معاها من اول اليوم

بس هما بيعملوا كدة ليه......؟؟؟
ناس فاضية ماورهومشى حاجة وماعندهمشى حدود حاطتها الدين يعنى ماعندهمشى دين

اما السبب الرئيسى من وجهة نظرى
كما تدين تدان

يعنى الواحد فينا لو مآذاش بنات الناس ربنا هايحافظ له على بناته

أنما لو مشى مع بنت هايمشوا مع ولاد لو اتكلم كلمة هايتكلموا كلمة لو زنى هايزنوا

وده يوضحوا القصة دى
كان فى واحد صاحبنا بيحكي لنا أنه لما كان شاب ولسة خاطب وهو قاعد مع خطيبته وامها

أمها راحت تعمل شاى

فانتهزوا الفرصة وباسوا بعض

المهم عدت الأيام وأخينا ده اتجوزها و خلف بنت زى القمر

والبنت دى كبرت واتخطبت

وخطيبها بارده كان قاعد معاها هيا وامها وبارده امها راحت تعمل شاى

فانتهزوا الفرصة وباسها

وكان صاحبنا كان لسة داخل وافتكر الموقف اللى حصل معاه من عشرين سنة

شوفوا كان عليه بوسة ورغم ان السنين عدت الا انه بارده ربنا مانساهاش

ماهوما هايعملوا ايه ياعينى من صغرهم وهما قاعدين يتفرجوا على التلفيزيون ويتعلموا من المسلسلات والأفلام

ماهو خلاص مابقاش حد فاضى علشان يربى هو التلفيزيون هو اللى بيقوم بالواجب

وماخفى كان اعظم